Жеке маалыматтар субъектисинин анын жеке маалыматтарын чогултууга жана иштетүүгө макулдугу

Мен, эркин түрдө, аң-сезимдүү, өз эрким менен nebs.gov.kg сайтында (Улуттук электрондук билет системасы, НЭБС) андан ары идентификациялоо үчүн жеке маалыматтарды иштетүүгө макулдук берем, атап айтканда:

• иштетүүгө (жеке маалыматтарды чогултуу, жазуу, сактоо, актуалдаштыруу, топтоштуруу, бөгөттөө, өчүрүү жана жок кылуу максатында жеке маалыматтарды кармоочу (ээлик кылуучу) тарабынан же анын тапшырмасы боюнча, автоматтык каражаттар менен же аларсыз, ыкмаларына карабастан аткарылуучу ар кандай операция же операциялардын жыйындысы), ошондой эле:
• жеке маалыматтарды берүүгө (жеке маалыматтарды кармоочу (ээлик кылуучу) тарабынан Кыргыз Республикасынын 2008-жылдын 14-апрелиндеги № 58 «Жеке мүнөздөгү маалымат жөнүндө» Мыйзамына жана эл аралык келишимдерге ылайык үчүнчү жактарга берүү);
• объектилердин, жайлардын жана иш-чаралардын аймагына кирүүдө, андан чыгууда жана анда жүрүүдө коопсуздукту камсыздоо, кирүүнү контролдоо жана колдонуучунун инсандыгын ырастоо максатында QR-код технологиясы аркылуу инсанды андан ары идентификациялоо үчүн жеке маалыматтарды үчүнчү жактарга берүүгө;

төмөнкү жеке маалыматтарга карата:

• фамилиясы, аты жана атасынын аты;
• туулган датасы жана жери;
• жарандыгы жөнүндө маалыматтар;
• электрондук почтанын дареги (email);
• байланыш телефонунун номери же байланыштын башка ыкмалары жөнүндө маалыматтар;
• инсандыгын ырастоочу документтин түрү, сериясы, номери, аны берген органдын аталышы, берилген датасы;
• персоналдык идентификациялык номер;
• сатып алуулардын тарыхы жөнүндө маалыматтар (заказдар, билеттер, көрсөтүлгөн кызматтардын тарыхы).

Мен төмөнкүлөр менен тааныштым:

1. жеке маалыматтарды иштетүүгө макулдук ушул макулдукка кол коюлган күндөн тартып, мага мамлекеттик (муниципалдык) кызмат көрсөтүүнүн бүткүл мөөнөтүндө жана Кыргыз Республикасынын мыйзамдарына ылайык көрсөтүлгөн кызмат жөнүндө маалыматтарды сактоо мөөнөтүндө колдонулат;
2. жеке маалыматтар Кыргыз Республикасынын аймагында жайгашкан серверлерде сакталат жана иштетилет;
3. жеке маалыматтарды иштетүүгө макулдук эркин формадагы жазуу жүзүндөгү арыздын негизинде кайтарылып алынышы мүмкүн; ошондой эле мен Кыргыз Республикасынын мыйзамдарында белгиленген тартипте өзүмдүн жеке маалыматтарымды актуалдаштырууну, бөгөттөөнү же жок кылууну талап кылууга укуктуумун;
4. жеке маалыматтарды иштетүүгө макулдук кайтарылып алынган учурда менин жеке маалыматтарымды иштетүү Кыргыз Республикасынын 2008-жылдын 14-апрелиндеги № 58 «Жеке мүнөздөгү маалымат жөнүндө» Мыйзамынын 5 жана 15-беренелерине ылайык толугу менен же жарым-жартылай улантылышы мүмкүн.

Кошумча (каалоо боюнча):

Жарнамалык жана маалыматтык билдирүүлөрдү (email, SMS, push-билдирмелер) алууга макулдук берем. Бул макулдуктан баш тартуу НЭБСти колдонуу жана билет сатып алуу мүмкүнчүлүгүн чектебейт.