Улуттук электрондук билет системасынын (УЭБС) электрондук билеттерин кайтаруу тартиби

1. Жалпы жоболор

1.1. Ушул Тартип Улуттук электрондук билет системасы (УЭБС) аркылуу сатылып алынган электрондук билеттерди кайтаруунун шарттарын жана жол-жобосун жөнгө салат.

1.2. УЭБС аркылуу билет сатып алуу менен Сатып алуучу ушул Тартип менен таанышканын жана ага макул экенин ырастайт.

1.3. Акча каражаттарын кайтаруу ушул Тартипте каралган учурларда жана тартипте жүргүзүлөт.

1.4. Иш-чаранын Уюштуруучусу иш-чараны өткөрүү үчүн, анын ичинде датасы, убактысы жана өткөрүлүүчү жери үчүн, ошондой эле аны жокко чыгаруу, которуу же өткөрүү шарттарын өзгөртүү боюнча чечимдерди кабыл алуу үчүн жоопкерчилик тартат.

2. Сатып алуучунун демилгеси боюнча билеттерди кайтаруу

2.1. Сатып алуучу электрондук билетти кайтарууну иш-чара башталганга чейин 5 (беш) календардык күндөн кечиктирбестен тариздөөгө укуктуу.

2.2. Кайтарылууга тийиш болгон акча каражаттарынын өлчөмү төмөнкүдөй:

• иш-чара башталганга чейин 5 (беш) календардык күндөн кечиктирбестен — билеттин наркынын 100%;
• иш-чара башталганга 5 (беш) календардык күндөн аз убакыт калганда — кайтаруу жүргүзүлбөйт.

2.3. Арыз берилгенден кийин билет автоматтык түрдө жокко чыгарылат жана кайра колдонулушу мүмкүн эмес.

2.4. Кайтаруу билетти төлөгөн адамга гана жүргүзүлөт.

3. Иш-чара жокко чыгарылганда же которулганда кайтаруу

3.1. Иш-чара жокко чыгарылган учурда Сатып алуучуга билеттин наркынын 100% кайтарылат.

3.2. Иш-чара которулган учурда Сатып алуучу төмөнкүлөргө укуктуу:

• мурда сатылып алынган билетти иш-чара өткөрүлүүчү жаңы датага колдонууга;
• же акча каражаттарын толук көлөмдө кайтарууну тариздөөгө.

3.3. Иш-чаранын жокко чыгарылгандыгы же которулгандыгы жөнүндө маалымат УЭБСте жайгаштырылат жана Сатып алуучуга электрондук почта, SMS же push-билдирме аркылуу жеткирилет.

4. Кайтарууну тариздөө тартиби

4.1. Билетти кайтаруу УЭБСтеги колдонуучунун жеке кабинети аркылуу таризделиши мүмкүн.

4.2. Акча каражаттарын кайтаруу билет сатылып алынган төлөм ыкмасы менен жүргүзүлөт.

5. Акча каражаттарын кайтаруу мөөнөтү

5.1. Акча каражаттары кайтаруу ырасталгандан кийин 3төн 10го чейинки жумуш күнүнүн ичинде Сатып алуучуга которулат.

5.2. Акча каражаттарынын чегерилишинин так мөөнөтү Сатып алуучуну тейлеген банкка же төлөм уюмуна жараша болот.

6. Кайтаруудан баш тартуу үчүн негиздер

Акча каражаттарын кайтаруу төмөнкү учурларда жүргүзүлбөйт:

• иш-чара башталганга 5 (беш) календардык күндөн аз убакыт калганда кайрылганда;
• иш-чара башталгандан кийин;
• билет колдонулганда;
• жараксыз же жасалма билет көрсөтүлгөндө;
• мурда кайтарылган билет боюнча кайра кайрылганда;
• Сатып алуучу ушул Тартипти бузганда.

7. Корутунду жоболор

7.1. Ушул Тартип менен жөнгө салынбаган бардык маселелерде Кыргыз Республикасынын жарандык мыйзамдарынын жана Кыргыз Республикасынын «Керектөөчүлөрдүн укуктарын коргоо жөнүндө» Мыйзамынын ченемдери колдонулат.

7.2. Сатып алуучу менен иш-чаранын Уюштуруучусунун ортосунда келип чыккан талаш-тартыштар сүйлөшүүлөр аркылуу чечилет, ал эми макулдашууга жетишилбеген учурда — Кыргыз Республикасынын мыйзамдарына ылайык сот тартибинде чечилет.

7.3. Ушул Тартип Улуттук электрондук билет системасынын Колдонуучулук макулдашуусунун ажырагыс бөлүгү болуп саналат.