«Рух Ордо» маданий борборунда төрт күн көчмөн дүйнөнүн музыкасы жаңырат. Фестивалдын ар бир күнү ар башка искусствого арналат:
2-сентябрь — дастан күнү, айтуучулук өнөрү;
3-сентябрь — күү күнү, аспапчылык өнөрү;
4-сентябрь — ыр күнү;
5-сентябрь — салттуу музыканы алып жүрүүчүлөрдүн гала-концерти жана баш байгени тапшыруу аземи.
Борбордун алты аянтчасы бир убакта иштейт. Борбордук сахнада кечкисин театралдык пролог жана концерттер, Ч. Айтматов атындагы залда — «Нарк өнөр» мектебинин каада-салт жана кол өнөрчүлүк көрсөтүүлөрү, «Өнөр ордосу» амфитеатрында — акындар айтышы жана аспапчылардын сынагы, «Билим казынасы» павильонунда — чет элдик катышуучулардын сейшндери, «Комуз-Пирсте» — фотозона жана фестивалдын конокторунун чыгышы, «Мурас» студиясында — үн жаздыруу жана подкаст.
Төрт күндүн ичинде отуздан ашык өлкө жана региондон өнөрпоздор чыгат: Саха — Якутия, Түркия, Казакстан, Өзбекстан, Азербайжан, Дагестан, Тыва, Алтай, Корея, Япония, Канада, Кытай, Индия, Бразилия, Италия, Жаңы Зеландия жана башкалар.
Маанилүү: Билет тандалган күнү гана жарактуу. Билеттерди nebs.gov.kg сайтынан жана иш-чара өтүүчү жердеги кассалардан гана сатып алууга болот.
